Анвар Клевлеев Таиланддаги халқаро мусобақаларда шоҳсупага кўтарилди

Таиланднинг Паттая шаҳрида слаломда эшкак эшиш бўйича халқаро мусобақалар бўлиб ўтмоқда.

Уларда стартга чиққан Ўзбекистон терма жамоаси аъзоси Анвар Клевлеев олтин ва кумуш медалларга сазовор бўлди.

Каноэчимиз дастлаб “Sea Open” мусобақасида кумуш, сўнгра “Thailand Open” турнирида олтин медал соҳибига айланди.

Энди ҳамюртларимиз ушбу шаҳарда 12-мартгача ташкил этиладиган U — 18 ва U — 23 ёш тоифаларидаги қитъа биринчиликларида иштирок этишади.