Наоя Иноуэ Муроджон Аҳмадалиев ҳақида гапирди

Супер енгил вазн тоифасининг мутлақ чемпиони япониялик Наоя Иноуэ (29-0, 26 КО) ўзбекистонлик Муроджон Аҳмадалиев (13-1, 10 КО) билан бўладиган жанг ҳақида гапирди.

«Мен сентябрь ойида Муроджон Аҳмадалиевга қарши жанг қилишим керак. Ҳозирда ушбу кунни интиқлик билан кутяпман. Кучли жангчиларга қарши рингга тушганимда, ўзимнинг энг яхши томонларимни намоён қила оламан. Бу ўзим ҳам билмаган имкониятларимни очиб беради. Шу боис бу жангнинг исталган лаҳзасида кутилмаган нарса бўлиши мумкин. Аҳмадалиев айнан шундай савиядаги жангчи», дейди Иноуэ.

Маълумот учун Наоя Иноуэ дастлаб 4 май куни Лас-Вегасда Рамон Карденасга (26-1, 14 КО) қарши рингга чиқади. Агар у ушбу жангда ғалаба қозонса, 14 сентябрь куни Токиода Муроджон Аҳмадалиев билан тўқнаш келади.

Аҳмадалиев ҳозирда WBA вақтинчалик чемпионлик камарига эга. У анчадан бери Иноуэ билан жанг қилишни талаб қилиб келган.

Манба: daryo.uz