Спорт курашлари. Ўзбекистон Осиё чемпионатининг илк кунини учта олтин медаль билан бошлади

Иорданияда спорт курашлари бўйича Осиё чемпионати бошлангани ҳақида маълум қилган эдик. Қувонарлиси, мусобақанинг дастлабки кунидаёқ Ўзбекистон терма жамоаси 3 та олтин ва 1 та бронза медалларини қўлга киритди.

Юнон-рум кураши бўйича кечаётган баҳсларда Айтжан Халмаханов ( — 63 кг), Арам Варданян ( — 77 кг) ҳамда Жалгасбай Бердимуратов ( — 87 кг) олтин медалларга эга чиқишган бўлса, Ихтиёр Ботиров ( — 55 кг) бронза медали билан тақдирланди.

Бугун яна 5 вазн тоифасида беллашувлар ўтказилади. Унда курашадиган ҳамюртларимиз ва уларнинг илк рақиблари билан танишинг:

— 60 кг: Алишер Ғаниев – Али Абдуносир (Иордания) / Зиюе Си (Хитой)
— 67 кг: Нозимжон Бойқўзиев – Мунтхир Жанду (Саудия Арабистони)
— 72 кг: Абдулло Алиев – Бегмират Нобатов (Туркманистон) / Аҳмед Барахман (Саудия Арабистони)
— 82 кг: Муҳаммадқодир Расулов – Моҳаммад Нағуси (Эрон)
— 97 кг: Беҳруз Барноев – Иброҳим Фаллатаҳ (Саудия Арабистони)

Манба: olympic.uz