Бокс бўйича жаҳон кубоги. Уч нафар спортчимиз ярим финалга чиқди

Бразилияда бошланган бокс бўйича Жаҳон кубогида иккинчи кун баҳслари ўтказилди. Уч нафар ҳамюртимиз ўз жангини ўтказиб, ғалаба қозонишди ва ярим финал йўлланмасини қўлга киритишди.

Дастлаб — 60 кг вазнда бўлиб ўтган баҳсда, Мадияр Данияров италиялик Мишель Бальдассини 4:1 ҳисобида мағлубиятга учратиб кейинги босқичга йўл олди.

Асилбек Жалилов ( — 50 кг вазнда) қозоғистонлик Нурзат Онгаровга қарши рингга кўтарилиб, рақибга ҳеч қандай имконият қолдирмади — 5:0.

Акмалжон Исроилов ҳам — 85 кг вазнда кейинги босқич масаласини ҳал этди. Боксчимиз бу йўлда швецариялик Леонид Беришани мағлубиятга учратди.

Манба: stadion.uz