Grand Slam Tour 2025. Нодирбек Абдусатторов қора доналарда Магнус Карлсенга ютқазди

Франциянинг Париж шаҳрида шахмат бўйича Freestyle Chess Grand Slam Tour 2025 турнирининг плей-офф босқичига бугун старт берилди. Нодирбек Абдусатторов чорак финалда норвегиялик Магнус Карлсенга қарши баҳс юритиши ҳақида хабар бериб ўтгандик.

Ҳамюртимиз биринчи ўйинда қора доналар билан ҳаракат қилди. Шахматчилар ўйин давомида 70 та юришни амалга оширишди. Магнус аста-секинлик билан ўз устунлигини ошириб борди ҳамда ўйин сўнггида 3 та ортиқча пиёдага эга бўлди. Айнан 70-юришга келиб Абдусатторов мағлубиятни тан олди.

Спортчилар эртага иккинчи ўйинни ўтказишади. Нодирбек бу сафар оқ доналарда ўйнайди.

Чорак финал, биринчи ўйин натижалари:

Магнус Карлсен — Нодирбек Абдусатторов — 1:0
Ян Непомняшчий — Винсент Кеймер — 0,5:0,5
Фабиано Каруана — Максим Ваше-Лаграв — 0,5:0,5
Аржун Эригаиси — Ҳикару Накамура — 0,5:0,5.

Манба: stadion.uz