Шаҳрам Ғиёсовдан навбатдаги ғалаба, энди у иккита камар учун жанг қилади

Боксчимиз Шаҳрам Ғиёсов АҚШнинг Нью-Жерси штати, Атлантик-Сити шаҳрида ташкил этилган бокс оқшомида рингга кўтарилди. Ушбу жангда ҳамюртимизга аргентиналик Франко Максимилиано Окампо рақиблик қилди.

10 раундга мўлжалланган жанг 4-раундда ўз якунига етди. Ушбу раунд давомида Шаҳрамнинг кетма-кет зарбалари таъсирида рефери ҳисобни очди. Бу вақтда рақиб ўзига кела олмади ва ҳакам жангни тўхтатишга қарор қилди ва Шаҳрам проф боксдаги 17-жангида 17-ғалабасини қўлга киритди.

Энди Ғиёсов Эннис — Станиосис тўқнашуви ғолибига қарши WBA ва IBF камари учун жанг ўтказади.

Манба: stadion.uz