Баҳодир Жалолов узоқ танаффусдан сўнг IBF рейтингига қайтди

Халқаро бокс федерацияси (IBF) ўзбекистонлик супер оғир вазн тоифасидаги боксчи Баҳодир Жалоловни ўзининг янгиланган рейтингига киритди.

Жалолов 5 апрель куни Қозоғистон пойтахти Остона шаҳрида ўтган жангда украиналик Игор Шевадзуцкийни (12-3, 10 КО) мағлуб этди. Барча ҳакамлар бир овоздан ўзбекистонлик боксчи ғалаба қозонганини маълум қилишди. Жанг Баҳодир учун одатдагидан фарқли тарзда тўлиқ масофада ўтди. Бу унинг нисбатан камдан кам ҳолатларидан бири, сабаби у 15 ғалабасининг 14 тасини нокаут билан якунлаган.

IBF ушбу натижадан сўнг Баҳодирни оғир вазн рейтингида 13-ўринга жойлаштирди. Қизиғи, ундан бир поғона юқорида америкалик боксчи Ричард Торрес (13-0, 11 КО) жойлашган. Торрес — Жалоловнинг Токио Олимпиадаси финалидаги рақиби бўлган.

IBF оғир вазн рейтингида қуйидагича:

Маълумот учун, аввалроқ Жалоловнинг Остонадаги жанги кўплаб муҳокамаларга сабаб бўлди. Кўплаб нашрлар ўзбекистонлик боксчини кучлироқ рақибларга қарши рингга чиқишга чақирган эди.

Манба: daryo.uz