“Continental Americas Gold” камари соҳиби Руслан Абдуллаев Тошкентда тантанали кутиб олинди

Бокс бўйича жаҳон чемпиони Руслан Абдуллаев 19 апрель куни АҚШнинг Калифорния штатида ташкил этилган профессионал бокс кечасида филиппинлик Жино Родригони мағлуб этиб, WBA супер енгил вазн тоифасида “Continental Americas Gold” камарини қўлга киритган эди.

Бугун ҳамюртимиз Ўзбекистонга қайтиб келди.

Абдуллаевни Ислом Каримов номидаги Тошкент халқаро аэропортида Спорт вазирининг ўринбосари Шаҳрулло Маҳмудов, МОҚ Бош котиби Ойбек Касимов, мамлакат бокс федерацияси Бош котиби Шоҳид Тиллабоев ва унинг яқинлари муносиб кутиб олди.

Расмийлар спортчимизнинг профессионал боксдаги иккинчи муваффақияти билан қутлаб, унинг кейинги фаолиятида ҳам ёрқин ғалабалар тилашди.