Қозоғистонлик боксчи Олимпиададан олдин допинг қабул қилганди

Бокс бўйича Қозоғистон терма жамоасининг собиқ сардори Асланбек Шимбергенов Париж — 2024 Олимпиадасида илк жангидаги мағлубиятга изоҳ берди.

«Олимпиада олдидан йиғин пайтида касал бўлиб қолдим. Ҳароратим кўтарилиб, бир ҳафта ҳам тушмади. Илгари бунақа ҳолатга дуч келмагандим, кўпи билан бир-икки кун давом этарди. Кейин жамоа шифокорлари жуда қўрқиб кетишди ва менга дори бера бошладилар, аммо бу ёрдам бермади.

Шундан сўнг жамоамиз ХОҚ антидопинг агентлигига менга допинг сифатида аниқланиши мумкин бўлган дорини укол қилмоқчи бўлганлиги ҳақида расмий хат ёзишди ва рухсат олишди. Дори менга ёрдам берди. Менимча, бу касаллик мағлубиятимга сабаб бўлди», деди боксчи.