Камончиларимиз Анталя Гран-присида совриндор бўлишди

Туркиянинг Анталя шаҳрида камондан отиш бўйича Гран-при турнири ўтказилди. Унда иштирок этган Ўзбекистон терма жамоаси микст дастурида бронза медалига сазовор бўлди.

Амирхон Содиқов ва Зиёдахон Абдусатторова жуфтлиги дастлаб Молдова, сўнг чорак финалда Нидерландия вакилларини мағлубиятга учратди.

Бироқ ярим финалда грузиялик спортчилар ҳамюртларимиздан устун келишди. Бронза медали учун баҳсда эса Германия жамоаси 5:3 ҳисобида доғда қолдирилди.