Баҳодир Жалолов польшалик боксчини нокаутга учратди

Профессионал бокснинг оғир вазн тоифасида (+90,72 кг) жанг қилаётган Баҳодир Жалолов (10-0, 10 КО) ўзининг навбатдаги жангини 18 март санасида Дубайда ўтказди.

Пробеллум промоушени томонидан ташкил этилган жанг оқшомида Баҳодирга полшалик Камил Цоколовски (11-26, 4 КО) рақиблик қилди.

Жанг 5-раундда ниҳоясига етди. Баҳодирнинг кучли зарбасидан сўнг рефери жангни тўхтатди.

Шу тариқа Жалолов проф боксдаги 10-жангида 10 нокаутни қайд этган ҳолда ғалабани нишонлади.