МОҚ раҳбарияти Осиё чемпионати қаҳрамонлари билан учрашди

Таиланднинг Бангкок шаҳрида ўтган катталар ўртасидаги Осиё чемпионатида муваффақиятли иштирок этиб қайтган дзюдочиларимиз тақдирланди.

Тадбирда Ўзбекистон Миллий Олимпия қўмитаси раисининг биринчи ўринбосари Отабек Умаров, МОҚ Бош котиби Ойбек Касимов, мамлакат дзюдо федерацияси раиси Азизжон Камилов иштирок этиб, дзюдочиларимизни қитъа чемпионатидаги муваффақиятли иштирок билан қутлашди.

Маълумот учун, терма жамоамиз дзюдочилари ҳам яккалик, ҳам аралаш жамоавий беллашувларда дзюдо ватани Япониядан кейин умумжамоа ҳисобида иккинчи ўринни банд этишганди.