Дзюдочиларимиздан Душанбе “Катта дубулға” турнирида яна икки медаль!

Тожикистон пойтахтида ўтказилаётган дзюдо бўйича “Катта дубулға” мусобақасининг иккинчи кунида Ўзбекистон терма жамоаси яна икки медалга сазовор бўлди.

Ўрта вазн тоифасидаги беллашувларда йигитларимиз ўз номларини совриндорлар қаторига ёздириб қўйишди.

— 73 кг вазн тоифасидаги баҳсларда Ҳожиакбар Тошев, — 81 кг вазн тоифасидаги беллашувларда эса Муроджон Йўлдошев бронза медалларини қўлга киритишди.

Кеча вакилларимиз мусобақанинг илк кунида битта кумуш ва битта бронза медалига сазовор бўлишганди.

Манба: olympic.uz