Таэквондо. Улуғбек Рашитов – жаҳон рейтинги пешқадами

Бутунжаҳон таэквондо иттифоқи май ойи учун янгиланган жаҳон рейтингини эълон қилди. Қувонарлиси, ушбу жадвалнинг юқори поғоналаридан ўзбек таэквондочилари ҳам ўрин олди.

Жумладан, вазни 68 килограмгача бўлган таэквондочилар орасида икки карра Олимпия ўйинлари ғолиби Улуғбек Рашитов биринчи ўринда бораётган бўлса, “Париж — 2024” Олимпиадасида кумуш медални қўлга киритиб, мамлакатимиз спорти тарихида янги саҳифа очган Светлана Осипова +73 кг. вазн тоифасидаги рейтингнинг иккинчи поғонасидан жой олди.

Шунингдек, 54 килограмгача вазн тоифасида мамлакатимиз шарафини ҳимоя қилаётган Жаҳонгир Худойбердиев, вазни 80 килогача бўлган Жасурбек Жайсунов ушбу ойда жаҳон рейтингининг учинчи поғонасида бормоқда.

Қуйида жаҳон рейтингининг май ойи учун янгиланган жадвалидаги спортчиларимиз ўрни билан танишасиз:

Эркаклар:

54 кг: 29. Мирдиёр Мирайимов (17.20)

58 кг: 41. Камронбек Мансуров (21.52)

74 кг: 31. Нажмиддин Қосимхожиев (18.00)

87 кг: 6. Шуҳрат Салаев (38.32), 18. Ёдгорбек Жўрабоев (21.60)

+87 кг: 8. Марат Мавлонов (62.00).

Аёллар:

46 кг: 30. Мадина Шониёзова (17.28)

53 кг: 42. Лайло Зайниддинова (13.20)

57 кг: 18. Мадина Мирабзалова (30.00)

67 кг: 5. Озода Собиржонова (90.00)

73 кг: 18. Гулсанам Алижонова (18.00).