Дана Уайт яримўрта вазнга ўтган Ислам Махачевнинг жангини тасдиқлади
Промоушеннинг 54 ёшли президенти Махачев енгил (70 кг) вазндаги камарини эгасиз қолдириб, яримўрта вазн (77 кг) тоифасига ўтганини расман тасдиқлади. У энди австралиялик Жек Делла Маддаленага қарши яримўрта вазн чемпионлиги учун октагонга чиқади. Чемпионлик жанги санаси ва манзили кечроқ эълон қилинади.
Маълумот учун, якшанба тонгида Монреаль (Канада) шаҳрида ўтган UFC 315 турнирининг асосий жангида Маддалена эндиликда собиқ чемпион Белал Муҳаммадни очколар ҳисобига кўра мағлубиятга учратиб, яримўрта вазннинг янги чемпионига айланганди.
Махачев эса сўнгги жангини 18 январь куни Лос-Анжелес (Калифорния штати, АҚШ) шаҳрида ташкил этилган UFC 311 турнири доирасида бразилиялик Ренато Мойканога қарши ўтказиб, рақибини биринчи раунддаёқ бўғиб қўйганди.
Манба: championat.com