Жаҳон чемпионатининг олтин ва кумуш медаллари бизники бўлди!

Қозоғистон пойтахтидан навбатдаги хушхабар!

Бироз олдин эркаклар ўртасида Ж2 классида (заиф кўрувчи) финал баҳси якунланди. Эътиборлиси, ҳал қилувчи беллашувда икки нафар вакилимиз — Шерзод Намозов ҳамда Кемран Нуриллаев ўзаро баҳс олиб борди.

Қизиқарли ва муросасиз кечган қарама-қаршилик якунида ғалаба Кемран Нуриллаевга насиб этди.

Шу тариқа ушбу вазн тоифасида жаҳон чемпионатининг олтин ва кумуш медаллари ўзбекистонлик пара дзюдочиларга насиб этди.