Оғир атлетикачиларимиз Осиё чемпионатини 12 та медаль билан якунлашди

Хитойнинг Жиангшан шаҳрида оғир атлетика бўйича Осиё чемпионати ўз якунида етди. Мусобақанинг сўнгги кунида энг оғир вазн тоифаларидаги беллашувлар ташкил этилди.

+109 кг вазн тоифасида кечган баҳсларда ҳамюртимиз Амир Абдуллаев даст кўтариш машқида 182 кг натижа қайд этиб, бронза медалига сазовор бўлди. Шу тариқа, терма жамоамизнинг мазкур мусобақада жамғарган медаллари 3 та олтин, 3 та кумуш ва 6 та бронзага етди.

Аҳамиятлиси, ушбу натижа билан атлетларимиз умумжамоа ҳисобида тўртинчи ўринни эгаллашди.

Манба: olympic.uz