Амман-2022. Йигитларимиз қизларнинг аламини Қозоғистондан олиб, 7та олтин медални қўлга киритишди

Иорданиянинг Амман шаҳрида ўтказилган бокс бўйича 19 ёшгача бўлган қизлар ва йигитлар ўртасидаги Осиё чемпионати якунига етди. Бугун куннинг иккинчи ярмида эркаклар 13та вазнда финал жангларини ўтказишди.

Олтин медаль учун рингга кўтарилган 10 нафар боксчимиздан 7 нафари ғалаба қозониб, қитъа чемпионига айланишди. Ўзбекистон ва Қозоғистон боксчиларининг финал тўқнашувларида эса вакилларимиз 5:2 ҳисобида устунликка эришишди.

Ўзбекистонлик ёшларнинг финал жанглари натижалари:

51 кг. Хўжаназар Нортожиев (Ўзбекистон) — Алмат Абдуали (Қозоғистон) — 5:0
54 кг. Абдували Бўрибоев (Ўзбекистон) — Элжай Мабелин Памиса (Филиппин) — 5:0
57 кг. Бахтиёр Асадов (Ўзбекистон) — Ақжол Асилбек ўғли (Қирғизистон) — 5:0
63.5 кг. Жавоҳир Умматалиев (Ўзбекистон) — Ваншай (Ҳиндистон) — 0:5
67 кг. Фазлиддин Эркинбоев (Ўзбекистон) — Ислам Советов (Қозоғистон) — 5:0
71 кг. Алишер Аюбов (Ўзбекистон) — Егор Егоров (Қозоғистон) — 0:5
75 кг. Раҳматулло Бойматов (Ўзбекистон) — Даулет Тулемисов (Қозоғистон) — 4:1
80 кг. Абдулазиз Абдураҳмонов (Ўзбекистон) — Султанбек Айбарули (Қозоғистон) — 5:0
86 кг. Жамолиддин Қозоқов (Ўзбекистон) — Темирлан Мукатаев (Қозоғистон) — 1-раундда техник нокаут (мағлубият)
92 кг. Айназар Кенесбаев (Ўзбекистон) — Ердос Шарипбек (Қозоғистон) — 5:0

Манба: stadion.uz