Саудия Арабистони учун бу турнир қимматга тушади

Саудия Арабистонининг 2029 йилги Қишки Осиё ўйинларига мезбонлик қилиш орзуси сўнмоқда.

Бунга сабаб шундаки, қиролликнинг энг йирик тоғ курорти Троженадаги қурилиш ишлари кечикмоқда.

Спорт жамоатчилиги мамлакатнинг минтақадаги қишки спорт турлари бўйича биринчи йирик ҳудудини тайёрлай олишига шубҳа билан қараган.

Саудия Арабистони Трожена тоғ-чанғи курортини деярли ҳеч қачон қор ёғмайдиган саҳрода қурмоқда. Бу ерда қишки ўйинлар ўтказиш учун шароит яратиш анчайин қиммат бўлади.

Саудия Арабистонининг Сарават тоғларида қуриладиган Трожена мамлакатнинг улкан NEOM лойиҳасининг бир қисми бўлиб, у горизонтал осмонўпар бинони ҳам ўз ичига олади.