«Turkish Open-2026»: Аёллар ўртасидаги беллашувларни олтин, кумуш ва бронза медали билан якунладик!

Бугун Туркиянинг Анталия шаҳрида таэквондо ВТ бўйича Туркия Очиқ чемпионати доирасида аёллар ўртасидаги беллашувлар бўлиб ўтди.

Кун давомида Ўзбекистон аёллар терма жамоасининг 8 нафар вакиласи даянгга кўтарилди. Якунда ҳисобимизга Озода Собиржонова олтин, Севинч Ҳайитова кумуш, Светлана Осипова эса бронза медалини тақдим этди.

Олтин:
Озода Собиржонова (67 кг).

Кумуш:
Севинч Ҳайитова (62 кг).

Бронза:
Светлана Осипова (+73 кг).

Эртага турнир доирасида эркаклар ўртасидаги жанглар гувоҳига айланамиз.

Манба: https://t.me/uzbtaekwondowt