38 ёшли Жокович фаолиятини қачон якунлайди?
“Мен фаолиятимни 2028 йилги Олимпия ўйинларида қўлимда Сербия байроғини тутган ҳолда якунлашни истардим, бу ажойиб бўлар эди. Лекин бу қандай амалга ошишини ростини айтсам, билмайман, чунки баъзи нарсалар менинг назоратимда эмас. Аммо мен жисмоний ва руҳий саломатлигимни сақлашга ҳаракат қиламан”, дейди Жокович.
Жокович эркаклар ўртасидаги яккалик баҳсларида амалдаги Олимпия ўйинлари чемпиони ҳисобланади. 2024 йилги Париж Олимпиадаси финалида у испаниялик Карлос Алкарасни 7:6, 7:6 ҳисобида мағлуб этган эди.
Сербиялик теннисчи 38 ёшда бўлиб, айни дамда ATP рейтингида тўртинчи ўринни эгаллаб турибди. “Жокернол” ташкилот шафелигидаги яккалик баҳсларида 101 та титулни қўлга киритган, жумладан, “Катта дубулға” турнирларида 24 бор зафар қучган – бу эркаклар ўртасидаги яккалик баҳслари учун рекорд натижадир.
2024 йилги Олимпия ўйинларидаги ғалабасидан ташқари, спортчи 2008 йилги Пекин Олимпиадасида бронза медалини қўлга киритган, шунингдек, Дэвис Кубоги (2010) соҳиби ҳисобланади. Сербиялик теннисчи жаҳоннинг биринчи ракеткаси сифатида энг кўп ҳафтани (428 ҳафта) ўтказиш бўйича мутлақ рекордчи ҳисобланади.
Манба: daryo.uz