Ёш таэквондочиларимиз жаҳон чемпионатини тарихий натижа — 6 та медаль билан якунлашди

Пойтахтимиз мезбонлик қилган таэквондо WT бўйича жаҳон чемпионати ўз якунига етди. 115 мамлакатдан 1000 нафарга яқин спортчини жамлаган мазкур мусобақада спортчиларимиз 3 та олтин, 2 та кумуш ва 1 та бронза, жами 6 та медаль жамғариб, умумжамоа ҳисобида фахрли 3-ўринни эгаллашди.

Олтин медаль:
— 48 кг: Ёсинбек Одилов
— 51 кг: Асадбек Самандаров
— 63 кг: Моҳидил Ўктамжонова

Кумуш медаль:
— 68 кг: Аюбхон Набиев
+78 кг: Алишер Пак

Бронза медаль:
— 45 кг: Шоҳжоҳон Холмуродов

Бу жамоамизнинг жаҳон чемпионатлари тарихидаги энг яхши натижаси бўлди. Бунгача энг юқори кўрсаткич 2024-йил Корея Республикасининг Чунчхон шаҳрида ўтказилган дунё биринчилигида қайд этилган бўлиб, унда ҳамюртларимиз 1 тадан олтин ва бронза медалларига эга чиқишган эди.

Шунингдек, йигитларимиз 405 балл билан очколар жамғариш бўйича умумжамоа ҳисобида 1-ўринни эгаллашди.

Манба: https://t.me/uzbtaekwondowt