Ислом Махачев Чарльз Оливейрани мағлуб этиб, UFC чемпионига айланди

Россиялик Ислом Махачев UFC 280 турнирининг асосий жангида Чарльз Оливейрани мағлуб этди.

31 ёшли доғистонлик енгил вазн тоифасида чемпионликни қўлга киритди.

Махачев Хабиб Нурмагомедов ва Петр Яндан кейин россиялик учинчи UFC чемпиони ҳисобланади.

Махачев (23-1) иккинчи раундда Оливейра (33-9) устидан ишончли ғалабага эришди. Махачев бутун жанг давомида устунлик қилди ва қаторасига 11-ғалабасини қўлга киритди.

Жанг 22 октябрь куни Абу-Даби (Бирлашган Араб Амирликлари)даги UFC 280 мусобақасида бўлиб ўтди.

Шу тариқа, Махачев енгил вазн тоифасида янги UFC чемпиони ва Нурмагомедовдан (29-0) кейин ушбу дивизионда камарни қўлга киритган иккинчи россиялик бўлди.

Оливейра ўзининг 11 жанглик ғалабали сериясини тугатди.

Манба: www.stadion.uz.