Дзюдо. Шаҳрам Аҳадов — «катта дубулға» турнири совриндори

Абу-Дабида дзюдо бўйича «катта дубулға» турнирининг иккинчи куни ҳам терма жамоамиз учун омадли ўтди. — 73 кг вазн тоифасида баҳс олиб борган бухоролик полвонимиз Шаҳрам Аҳадов бронза медалини қўлга киритди.

Аҳадов ярим финалга қадар Руминия, Тожикистон ва Қозоғистон вакилларини мағлуб этган бўлса, финал остонасида швейцариялик Нилс Стампга имкониятни бой берди (ушбу дзюдочи якунда чемпионликни қўлга киритди). Учинчи ўрин учун кечган баҳсда вакилимиз молдовалик Петру Пеливанни мағлуб этишга 38 сония сарфлади холос.

Афсуски, иккинчи бронза медали учун курашган Обидхон Нўъмонов испаниялик Салвадор Рокага имкониятни бой бериб қўйди. Ушбу спортчимиз ҳам ярим финалгача 3 рақибни мағлуб этишга муваффақ бўлганди.

Манба: olympic.uz