Суд Санжар Каримовга («Real Sanjik») нисбатан қамоққа олиш эҳтиёт чорасини қўллади

Жиноят ишлари бўйича Миробод туман судида Тошкент шаҳар прокурори биринчи ўринбосари томонидан киритилган илтимоснома юзасидан навбатдаги суд муҳокамаси ўтказилди. Илтимоснома Жиноят кодексининг 112-моддаси 1-қисми ҳамда 25,273-моддаси 2-қисмида назарда тутилган жиноятларни содир этганликда айбланаётган С.К.га нисбатан “қамоққа олиш” тарзидаги эҳтиёт чорасини қўллаш масаласига тааллуқли деб топилган, бу борада Олий суди Жамоатчилик билан алоқалар маркази раҳбари Азиз Абидов хабар берди.

Маълумотларга кўра, айбланувчи С.К. 1990-йилда Наманган вилоятида туғилган, “Финанс инвест” КСБ ташкилотчиларидан бири ҳисобланади, ва Жиноят-процессуал кодексининг 227-моддаси асосида ушланган ва тақдим этилган ҳужжатлар суд томонидан кўриб чиқилган. 2025-йил 28-ноябрда чиқарилган суд ажримига мувофиқ, прокурор илтимосномаси қаноатлантирилди. Суд айбланувчи С.К.га нисбатан қамоқ тарзидаги эҳтиёт чорасини қўллаш ҳақида қарор қабул қилди. У тергов ҳибсхонасига жойлаштирилиши белгиланди.

Расмий маълумотларда айбланувчига қўйилган айбловлар юзасидан тергов ҳаракатлари давом этаётгани қайд этилган.