Президент ташрифидан сўнг Юнусобод ҳокими ўзгарди
Саидалиев 1994 йилда Тошкент шаҳрида туғилган. У 2017 йилда Ўзбекистон Миллий университетини ва 2021 йилда Тошкент давлат иқтисодиёт университетини тамомлаган.
У ўз меҳнат фаолиятини 2018 йилда Мирзо Улуғбек тумани ҳокимлигида бошлаган. 2022 йил июнь ойидан бери туман ҳокимининг молия, иқтисодиёт ва камбағалликни камайтириш бўйича биринчи ўринбосари лавозимида ишлаб келган, шунингдек, туман иқтисодиёт ва молия бўлимини бошқарган.
Бунгача Юнусобод тумани ҳокими лавозимини яқинда ишдан олинган Боҳадир Абдувалиев эгаллаб келган. У бу лавозимда 2022 йил январидан бери ишлаб келаётган эди. Унинг истеъфоси президент Шавкат Мирзиёев Юнусобод туманига ташриф буюрганидан кейинги кунда содир бўлди. Давлат раҳбари ерда ҳудудда когенерация заводининг фаолияти билан танишди, Yunusabad Gallery савдо ва бизнес марказига ташриф буюрди, Ҳуқуқни муҳофаза қилиш академиясининг янги биноси ва ўқув-илмий фаолиятини кўздан кечирди ва кейин йиғилиш ўтказди.