Шавкат Мирзиёев Япония ташрифини якунлаб, Россияга йўл олди

Шавкат Мирзиёевнинг Японияга расмий ташрифи якунига етди ва у Санкт Петербургга йўл олди, деб ёзмоқда Ўзбекистон президенти матбуот хизмати.

Давлат раҳбари Россияда Евроосиё Олий иқтисодий кенгашининг бўлажак йиғилиши ва Мустақил Давлатлар Ҳамдўстлиги етакчиларининг норасмий саммитида иштирок этади.

«Ханэда» халқаро аэропортида президентни Япония парламенти депутати Мунео Сузуки, ташқи ишлар вазири ўринбосари Оцуру Тэцуя ва бошқа расмийлар кузатиб қўйди.

Аввалроқ Кремль Санкт Петербургдаги учрашувлар 21−22 декабрь кунлари бўлиб ўтиши ҳақида хабар берганди.