Ўзбекистонлик аёллар асосан неча ёшда она бўлишмоқда? — Cтатистика
Статистик маълумотларда туғилишлар ота-оналарнинг ёш гуруҳлари кесимида таҳлил қилинган. Қайд этилишича, болаларнинг аксар қисми 25–39 ёш оралиғидаги ота-оналар ҳиссасига тўғри келади.
Оналар ёши бўйича маълумотларга кўра, 25 ёшгача бўлган аёллар 269 823 нафар болани дунёга келтирган бўлиб, бу умумий туғилишларнинг 40,6% ташкил этади. Энг катта улуш 25–39 ёшдаги оналар ҳиссасига тўғри келиб, ушбу ёш гуруҳида 385 424 нафар бола туғилган 58%. 40 ёш ва ундан катта аёллар орасида эса 9 351 та туғилиш қайд этилган бўлиб, бу 1,4% ташкил этган.
Хусусан, оталар ёши бўйича туғилишлар қуйидагича тақсимланган: 25 ёшгача бўлган оталар ҳиссаси 74 946 нафарни ёки 11,3% ташкил этган. 25–39 ёшдаги оталар улуши энг юқори бўлиб, 542 512 нафар бола 81,6% айнан шу ёш тоифасига тўғри келган. 40 ёш ва ундан катта оталар ҳиссаси эса 47 140 нафарни ёки 7,1% ташкил этган.