Ўзбекистон ТИВ Яқин Шарқ бўйича баёнот берди
Ўзбекистон Яқин Шарқда Покистон раҳбарияти воситачилигида тўлиқ ўт очишни тўхтатиш ва сулҳ ўрнатиш тўғрисидаги эълонни мамнуният билан қарши олади.
Биз буни кескинликни пасайтириш йўлидаги муҳим қадам, шунингдек сиёсий-дипломатик мулоқотни йўлга қўйиш ва ўзаро мақбул ечимларни топиш учун шарт-шароит яратиш деб баҳолаймиз.
Барча томонларни вазминликка чақириб, вазиятнинг яна кескинлашувига олиб келиши мумкин бўлган ҳаракатлардан тийилишга, шунингдек барқарор тинчлик ва осойишталикка эришиш мақсадида конструктив ҳамкорликни давом эттиришга даъват этамиз.
Можароларни фақат тинч йўл билан, Бирлашган Миллатлар Ташкилоти Низоми тамойилларига қатъий риоя қилган ҳолда ҳал этиш зарурлиги ҳақидаги Ўзбекистоннинг ўзгармас позициясини тасдиқлаймиз.