[ madaniyat ] 4 May 2026
Тошкентда жиноий иш қўзғатиш учун 10 минг доллар талаб қилган инспектор қўлга олинди
Давлат хавфсизлик хизмати маълумотига кўра, тезкор тадбир Бош прокуратура ҳузуридаги департамент билан ҳамкорликда ўтказилган. Операция давомида Учтепа тумани ИИБ ҳуқуқбузарликлар профилактикаси бўлими инспектори 10 минг доллар олаётган вақтда қўлга олинган.
Аниқланишича, ушбу ходим мурожаат қилувчига 1990 йилда туғилган шахсга нисбатан жиноий иш қўзғатиб беришни ваъда қилган. Мазкур шахс унга 450 минг доллар миқдорида фирибгарлик қилганликда айбланаётган бўлган. Дастлабки маълумотларга кўра, гап хорижлик фуқарога IT хизматлари кўрсатиш баҳонасида МЧЖ ҳужжатларини сохталаштириш схемаси ҳақида бормоқда.
Айни пайтда мазкур ҳолат юзасидан тергов ҳаракатлари олиб борилмоқда. Ҳодиса тафсилотлари аниқлаштирилмоқда.