Шавкат Мирзиёев Озарбайжондаги Бутунжаҳон урбанизация форумида иштирок этади

Шавкат Мирзиёев Озарбайжон президенти Илҳом Алиевнинг таклифига биноан 17−18 май кунлари амалий ташриф билан Боку шаҳрида бўлади. Бу ҳақда Ўзбекистон президенти матбуот хизмати хабар берди.

Ўзбекистон етакчиси БМТнинг Аҳоли пунктлари бўйича дастури шафелигида ўтказилаётган Бутунжаҳон урбанизация форуми 13-сессиясининг Етакчилар саммитида иштирок этади ва нутқ сўзлайди.

Форум шаҳарларни барқарор ривожлантириш, арзон уй-жой билан таъминлаш, шаҳар муҳити сифатини ошириш, иқлим барқарорлиги ва уй-жойни молиялаштириш механизмларини такомиллаштириш масалаларига бағишланган, дейилади хабарда.

Ташриф доирасида хорижий делегациялар раҳбарлари билан қатор учрашув ва музокаралар ўтказилиши кўзда тутилган.