Енгил атлетика. Анвар Анваров Хорватиядаги турнирда Ўзбекистон рекордини янгилади

Хорватиянинг Загреб шаҳрида енгил атлетика бўйича халқаро турнир бўлиб ўтди. Унда иштирок этган Ўзбекистон терма жамоаси аъзоси Анвар Анваров олтин медални қўлга киритди.

Юртдошимиз узунликка сакраш секторида 8,29 метр натижа кўрсатди. Эътиборлиси, ушбу натижа Ўзбекистоннинг янги миллий рекорди сифатида қайд этилди. Аввалги миллий рекорд ҳам Анваровга тегишли бўлиб, у ўтган йили Финляндияда 8,25 метрга сакраган эди.

1. Анвар Анваров (Ўзбекистон) — 8,29 метр
2. Лука Бошкович (Сербия) — 8,23 метр
3. Тажей Гейл (Ямайка) — 8,18 метр

Манба: olympic.uz