UFC. Дана Уайт Ислам Махачевдан норози

UFC президенти Дана Уайт нима сабабдан UFC 336 турнири доирасида 30 январь куни Ислам Махачев ва Карлос Пратес ўртасидаги жангни ташкил этишнинг имкони бўлмаганини айтди.

«Махачев ўртача ҳисобда йилига бир марта жанг қилади. У январь ойида жанг қилиши керак эди, аммо кейин Рамазондан кейинги вақтдан бошқа пайтда жанг қилишни истамаслигини айтди. Дивизионни тўхтатиб қўйиш мумкин эмас, уни олға силжитиш керак. Шунинг учун вақтинчалик чемпионлик камари учун жанг ўтказиш мантиқан тўғри», — деди Уайт UFC 333 турниридан кейинги матбуот анжуманида.

Аввалроқ UFC 30 январь куни Торонто шаҳридаги UFC 336 турнирида Карлос Пратес ва Майкл Моралес ўртасида вақтинчалик чемпионлик камари учун жанг бўлишини эълон қилган эди.