ДХХ Жиззахда прокурорни пора билан қўлга олди

Жиззах вилояти прокуратурасининг бўлим прокурори минг доллар ва 1 дона телефонни пора тариқасида олаётганда ушланди.

Маълум қилинишича, Жиззах вилояти прокуратурасининг бўлим прокурори Жиззах шаҳрида яшовчи 1975 йилда туғилган фуқарони муқаддам Жиноят Кодексининг 167-моддаси билан судланганлик ҳолатини ўзининг ваколатли ҳамкасби орқали олиб ташлаш эвазига пора талаб қилган.

У бу иш учун 1000 АҚШ доллари ва 1 дона “Samsung Galaxy S24 Ultra” русумли телефон аппаратини олган вақтида Давлат хавфсизлик хизмати ходимлари томонидан ашёвий далиллар билан ушланди.