Абдумалик Ҳалаков профессионал боксда иккинчи ғалабасини қўлга киритди

27 февраль куни Испаниянинг Севилья шаҳридаги «Centro Deportivo San Pablo» мажмуасида профессионал бокс оқшоми бўлиб ўтди. Дастур доирасида ўзбекистонлик чарм қўлқоп устаси, Париж — 2024 Олимпиадаси ғолиби Абдумалик Ҳалоков ўзининг иккинчи профессионал жангини ўтказди.

Уга венесуэлалик Марлемброн Акунья рақиблик қилди. Олти раундга мўлжалланган жангнинг учинчи раундида ҳамюртимиз техник нокаут эвазига муддатидан аввал ғалабани қўлга киритди. Жанг давомида Абдумалик рақибини бир неча марта нокдаун ҳолатига туширди.

Маълумот ўрнида, мазкур жанг Абдумалик учун профессионал боксдаги иккинчиси бўлди. Марлемброн Акуня 26 жангда 13 ғалаба, 12 мағлубият ва 1 дуранг қайд этган.

Манба: stadion.uz