Теннис. Циципас финалдаги 11 та мағлубиятидан сўнг илк бор ATP 500 чемпионлигини қўлга киритди

Грециялик теннисчи Стефанос Циципас Дубайда ўтказилган ATP 500 турнирида ғолиб чиқди.

Финалда дунёнинг 11-рақами бўлган Циципас ATP рейтингида 21-ўринни эгаллаб турган канадалик Феликс Аугер-Алиассимени 6:3, 6:3 ҳисобида мағлуб этди.

Циципас фаолиятидаги 12-чи ATP яккалик чемпионлигини қўлга киритди. Шу билан бирга, юнон спортчиси «беш юзлик мусобақа»да биринчи марта ғалаба қозонди, илгари у 11 та финалда мағлуб бўлган эди.

Ғалабаси учун Циципас 605 минг доллар мукофот пули ва 500 рейтинг очкосига эга бўлади. Канадалик 325 минг доллар мукофот пули билан биргаликда 330 балл олади.