Бухорода оммавий спортни ривожлантириш масалалари муҳокама қилинди

Бугун Спорт вазири маслаҳатчиси Шарифжон Моминджанов Бухоро Олимпия ва паралимпия спорт турларига тайёрлаш марказида вилоят Спорт бошқармаси масъул ходимлари ҳамда Спорт мактабларининг Оммавий спортни ривожлантириш ва селекция ишлари бўйича директор ўринбосарлари иштирокида йиғилиш ўтказди.

Йиғилиш давомида «Беш ташаббус олимпиадаси» қамровини кенгайтириш, мусобақаларни юқори савияда ташкил этиш ҳамда оммавий спорт тадбирларини кўпайтириш масалалари атрофлича муҳокама қилинди. Шунингдек, спорт соҳасидаги мавжуд муаммолар ва уларни бартараф этиш бўйича таклифлар тингланди.

Учрашувда масъулларга вилоятда спортни оммалаштириш ва тизимли равишда ривожлантиришга қаратилган муҳим топшириқлар берилди.