Маҳмуд Муродовнинг навбатдаги жанг санаси маълум бўлди

Ўзбекистонлик ўрта вазн тоифасидаги собиқ UFC жангчиси Маҳмуд Муродовнинг (28-8-0-1) жанг санаси маълум бўлди. Унга кўра, спортчи 14 июнь куни Чехиянинг Прага шаҳрида октагонга чиқади.

Муродов Оctagon 72 турнири доирасидаги мусобақада чехиялик Патрик Кенсил билан баҳс олиб боради. Жанг ўрта вазн тоифасидаги вақтинчалик чемпионлик камари учун ташкил этилади.

Эслатиб ўтамиз, Маҳмуд Муродов 9 март куни Германиянинг Штутгарт шаҳрида ташкил этилган Оctagon 68 турнирида швейцариялик Ясуби Эномотога қарши жанг олиб бориб, иккинчи раунднинг 40-сониясида оғир нокаут эвазига ғалаба қозонган эди.