Баҳодир Жалолов бугун навбатдаги жангини ўтказади

Профессионал бокснинг оғир вазн тоифасида (+90,7 кг) ҳаракат қилиб келаётган Баҳодир Жалолов (9-0, 9 КО) 18 март, жума куни Дубайдаги жанг кечасида рингга кўтарилади.

Probellum Dubai мусобақасида ўзбекистонлик боксчига польшалик Камил Соколовски (11-24-2, 4 КО) рақиблик қилади.

Боксчилар жангдан олдин тарозидан ўтди. Жалолов 116 кг тош босган бўлса, Соколовски эса 109 кг чиқди.

Жанг Тошкент вақти билан 20:00 дан кейин бўлиб ўтиши режалаштирилган.

Жалолов профессионал боксдаги бундан аввалги жангини декабрь ойида колумбиялик Хулио Цезарь Калименога қарши ўтказиб, биринчи раунддаёқ нокаут билан ғалаба қозонганди. Камил Соколовскининг сўнгги жанги 2022 йил 5 февраль куни швециялик Отто Валлинга қарши бўлиб ўтган. Польшалик боксчи рақибига имкониятни бой берган.

Манба: Daryo.uz