Футзал. Бугун Осиё кубогига старт берилади

Яна бир неча соатлардан сўнг Хитой Халқ Республикасининг Ҳоҳҳот шаҳрида аёллар футзали бўйича Осиё кубоги мусобақасига старт берилади.

Учинчи бор ўтказилаётган қитъа чемпионатида 12 та жамоа тўрттадан учта гуруҳга бўлинган ҳолда баҳсларга киришишади.

Ўзбекистон миллий терма жамоаси А гуруҳида мусобақа мезбонлари – Хитой, Хитой Тайпейи ҳамда Австралия терма жамоалари билан битта квартетни ташкил этишган.

Қизларимиз дастлабки учрашувни бугун Тошкент вақти билан соат 14:00 да Хитой Тайпейи терма жамоасига қарши ўтказишади.