Туркий давлатлар вазирлари Олимпия шаҳарчасига ташриф буюришди

Туркий давлатлар ташкилотига аъзо мамлакатларнинг ёшлар ва спорт масалалари бўйича вазирларининг IХ йиғилиши доирасида делегация аъзолари пойтахтимизда қад ростлаган Олимпия шаҳарчасида ҳам бўлишди.

Ўзбекистон Республикаси Спорт вазири Адҳам Икрамов меҳмонларга мажмуадаги объектларда яратилган шарт-шароитлар ҳамда уларнинг имкониятлари ҳақида батафсил маълумот берди.

Ташриф давомида расмийлар Олимпия шаҳарчасида ўтказилаётган чим устида хоккей бўйича Central Asia Championship мусобақасининг финал беллашувлари ҳамда йиғин ўтказаётган спортчиларимизнинг машғулотларини ҳам томоша қилдилар.