Жаҳонгир Зокиров мағлубият нималигини билмаётган америкалик боксчини муддатидан олдин мағлуб этди

Оғир вазн тоифасидаги вакилимиз Жаҳонгир Зокиров «Zuffa Boxing» промоушенида дебют жангини ўтказди.

У америкалик Зачари Спиллерга қарши рингга кўтарилди. Профессионал фаолиятида 5 та жанг ўтказиб, ҳали мағлубият аламини тотиб кўрмаган океан орти вакили Зокировнинг оғир зарбаларига дош бера олмади. 6 раунд қилиб белгиланган жанг 2-раунддаёқ техник нокаут билан якунланди.

Шу тариқа, Жаҳонгир Зокиров профессионал боксдаги иккинчи жангида ҳам ишончли ғалабани қўлга киритди.