Францияда нархлар ошишига қарши норозиликлар оммавий тартибсизликларга айланиб кетди

Париж ва Франциянинг бошқа йирик шаҳарларида ҳаёт қимматлашишига қарши бошланган намойишлар зўравонликлар билан давом этмоқда. Намойишчилар ва полиция ўртасида тўқнашувлар чиқиб, юзлаб дўконлар таланди, биноларга ўт қўйилди. Лимож шаҳрида эса 143 йиллик ҳокимият биноси ёндириб юборилди.

Ички ишлар вазирлигининг хабар беришича:

• 2 000 дан ортиқ одам ҳибсга олинган;
• 600 дан зиёд полиция ходими жароҳатланган;
• Парижда бир намойишчи юрак хуружидан вафот этган.

Мамлакат президенти Эммануэль Макрон вазият бўйича халққа мурожаат қилиши кутилмоқда. Ҳукумат тартибсизлик келтириб чиқарган ва дўконларни талаган айбдорлар жазоланишини ҳамда етказилган зарарни тўлашини маълум қилди.