Баҳодир Жалолов навбатдаги жанг учун АҚШга жўнаб кетди

Олимпия ўйинлари ғолиби, Жаҳон чемпиони Баҳодир Жалолов навбатдаги профессионал бокс турнирида иштирок этиш учун мураббийи Тўлқин Қиличев билан АҚШга йўл олди.

Ҳамюртимиз иштирокидаги профессионал бокс баҳси жорий йилнинг 10 июнь куни АҚШнинг Нью-Йорк штатидаги Верона шаҳарчасида бўлиб ўтади.

Бокс кечасида ҳамюртимиз Жалолов бельгиялик Жек Муловайи билан жанг қилади. Ушбу учрашув профессионал бокс кечасининг марказий жанги этиб белгиланган.

Эслатиб ўтамиз, Баҳодир Жалолов мазкур учрашувга тайёргарлик машғулотларини Россиянинг Санкт-Петербург шаҳрида ўтказди.

Т.Рўзиев, ЎзА

Манба: uza.uz