Шахмат: Ҳамюртларимиз Норвегиядаги халқаро мусобақада совриндор бўлишди

Жорий йилнинг 4-8 июнь кунлари Норвегиянинг Ставангер шаҳрида шахмат бўйича “Norway Chess Open” халқаро турнири ўтказилди.

Турнирда дунёнинг 10 дан ортиқ давлатидан жами 101 нафар шахматчи икки гуруҳда ғолиблик учун дона суришди.

“Norway Chess Open” фестивали доирасида 6 июнь куни 76 нафар шахматчи ўртасида блиц-турнир бўлиб ўтди.

Халқаро турнирда ўзбекистонлик шахматчилар совринли ўринларни эгаллашди. Жумладан, блиц йўналишида 9 имкониятдан 7 очко жамғарган Муҳиддин Мадаминовга 2-ўрин насиб этган бўлса, худди шунча очко жамғарган яна бир вакилимиз Муҳаммадзоҳид Суяров 3-ўринни қўлга киритди.

Манба: minsport.uz