Тошкентдаги АЁҚШларда сотилаётган бензин нархлари эълон қилинди

АЁҚШларда АИ — 80 маркали бензин 5700 сўмдан 7000 сўмгача бўлган нархда сотилмоқда.

Тошкентдаги ёқилғи қуйиш шохобчаларида автомобиль бензинининг кунлик нархлари эълон қилинди.

Унга кўра, UNG Petro номли АЁҚШда 1 литр АИ — 80 бензини нархи 5700 сўм этиб белгиланган. Аммо, бошқа бир қатор АЁҚШларда АИ — 80 бензини нархи 6500 сўмдан 7500 сўмгача сотилмоқда.

Шунингдек, АИ — 92 9500 сўмдан 12500 сўмгача, АИ — 95 эса 10500 сўмдан 14000 сўмгача сотилмоқда.

Эслатиб ўтамиз, кеча, 12 декабрь кун “Ўзбекнефтгаз” АЖга тегишли барча АЁҚШларда АИ — 80 бензини нархи бир литри учун 5700 сўм этиб белгилангани ҳақида хабар бергандик.