Шахмат-2022. Ўзбекистон терма жамоасининг бугунги ўйини «Спорт» каналида жонли таҳлил қилиб борилади

Ҳиндистоннинг Ченнай шаҳрида бўлиб ўтаётган Бутунжаҳон шахмат олимпиадаси энг ҳал қилувчи паллага кирди. Бугун ва эртага бўлиб ўтадиган 9 ва 10-тур баҳсларидан кейин олимпиада ғолиб ва совриндорлари аниқланади.

Мусобақада пешқадам бўлиб турган Ўзбекистон эркаклар терма жамоаси бугун Ҳиндистоннинг иккинчи жамоаси қарши дона суради. Тошкент вақти билан соат 14:30да бошланадиган баҳсларни «Спорт» канали эфирда таҳлил қилиб боришга қарор қилди. Эксперт сифатида ўзбекистонлик гроссмейстер Сайдали Йўлдошев иштирок этади.

Ўзбекистон аёллар терма жамоаси эса бугун Парагвайга қарши дона суради.

Манба: stadion.uz