Баҳодир Жалолов 27 ноябрь тонгида проф боксдаги навбатдаги жангини ўтказади

Профессионал бокснинг супер оғир вазн тоифасида ҳаракат қилаётган Баҳодир Жалолов (11-0, 11 КО) ўзининг навбатдаги жангини Ўзбекистон вақти билан 27 ноябрь тонгида ўтказади.

Калифорнияда (АҚШ) бўлиб ўтган жанг оқшомида Ўзбекистон вакилига америкалик Кёртис Ҳарпер (14-8, 9 КО) рақиб бўлади.

Бокс оқшоми Ўзбекистон вақти билан 07:00 да бошланади. Жалолов иштирокидаги жанг учинчи бўлиб ўтказилади ва тахминан 08:00 атрофида бошланади. Жанг Ўзбекистон телеканаллари орқали эфирга узатилмайди.

Манба: daryo.uz