Гандбол: Қизларимиз Осиё чемпионатида иштирок этиш учун Жанубий Кореяга жўнаб кетишди

Жорий йилнинг 24 ноябрь – 5 декабрь кунлари Жанубий Кореяда гандбол бўйича қитъамизнинг энг кучли 10 та жамоаси иштирокида XIX Осиё чемпионатида қизларимиз ватанимиз шарафини ҳимоя қилишади. Вакилаларимиз «А» гуруҳида Жанубий Корея, Эрон, Ҳиндистон ва Австралия терма жамоаларига қарши баҳс олиб боришади.

XIX Осиё чемпионатининг аҳамиятли жиҳати шундаки, мусобақа якунига кўра энг яхши кўрсаткич қайд этган 5 та жамоа 2023 йилнинг 30 ноябридан 17 декабрига қадар Дания, Норвегия ва Швеция давлатларида ўтказиладиган XXIV Жаҳон чемпионатига йўлланмани қўлга киритади. Мазкур мусобақада қизларимизга омад тилаймиз.

Манба: minsport.uz