Шахмат. Блиц турнирида Мадаминов кучли йигирматаликда бормоқда
Кеча якунланган рапид йўналишида 10-ўринни эгаллаган Нодирбек Абдусатторов блицни ҳам яхши бошлаб, кетма-кет 3 та ўйинда ғалаба қозонди. Аммо кейинчалик у ўйинларни ютқаза бошлади. Натижада у 12та ўйинда 7 очко тўплаган ҳолда 46-ўринни эгаллаб турибди.
Ўзбекистонликлар орасида кутилмаганда Муҳиддин Мадаминов яхши иштирок этмоқда. У 8 очко билан 18-ўринни эгаллаб турибди. 16 ёшли шахматчимиз мусобақада 150-поғонада сараланганди.
Жаҳонгир Воҳидов эса 7,5 очко билан 28-поғонани банд этиб турган бўлса, қолган спортчиларимиз ҳозирча топ — 100дан пастда жойлашишган.
Эркаклар мусобақасиада Хикару Накамура (АҚШ) 10 очко билан пешқадам бўлиб турибди. Аниш Гири, Магнус Карлсен, Даниил Дубов, Халик Мартиросян ва Ричард Раппорт ҳисобида 9 очко мавжуд.
Аёллар эса бугун 9та ўйинда иштирок этишди. Умида Омонова 5,5 очко билан 25-поғонани банд этиб турибди. Афруза Ҳамдамова ҳисобида 4,5, Нафиса Мўминовада эса 4 очко бор.
Манба: stadion.uz